Llucha de clases

Llucha de clases
conflictu social y relaciones de clase (es)

La llucha de clases ye un conceutu o una teoría qu'esplica la esistencia de conflictos sociales como la resultancia d'un conflictu central o antagonismu inherente a toa sociedá políticamente entamada ente los intereses de distintos sectores o clases sociales. Pa munchos tal conflictu resulta un cambéu o progresu políticu y social.

Anque'l conceutu ye fundamental nel marxismu o materialismu históricu, nun ye esclusivu d'él y puede datase tan ceo como en tiempos de Nicolás Maquiavelo. Según Karl Marx y Friedrich Engels, al traviés de la historia, les persones trataron d'entamase en distintos tipos de sociedaes so la tensión causada por probes y ricos, homes llibres y esclavos, los patricios y la plebe, señores feudales y siervos, maestros de corporaciones y oficiales, burguesía y proletariáu. Esti conflictu namái puede resolvese cuando se llegue a una sociedá ensin clases, ensin qu'ello suponga la desapaición del procesu y del progresu históricu.